قالب وبلاگ

 

دوْققوز عصردن باشلایاراق شیرسیز كئرامیكا ممولاتی‌نین كئیفیتی خئیلی یاخشیلاشماغا باشلاییر و اوْنلارین بدیی گؤرونوشو مۆختلیف دیَیشیكلییه مروز قالیر. بۇ دؤورون كئیفیتلی گیلدن حاضیرلانمیش نازیك دیوارلی قابلاری پلاستیك فوْرمالارینا، دقیق ایشلنمه‌لرینه گؤره خۆصوصیله سئچیلیرلر. دوْققوز عصردن باشلایاراق، كئرامیكا ممولاتی‌نین بزه‌یینده مۆختلیف دئكوْر واسطه‌‌لریندن داها گئنیش ایستیفاده ائدیلیردی.

دوْققوز-اوْن عصرین یاریمشار فوْرمالی ایكی و یا دؤرد لئنتواری قۇلپلاری اوْلان قازانلار، قاباریق گؤوده‌سی اوْتوراجاغا دوْغرو نازیكلشن ایری كۆپلر، مركزینده قۇلپو اوْلان دیسك فوْرمالی قازان قاپاقلاری، سهنگ، كۇزه، كاسا، نیمچه و دیگر ساده فوْرمالی میشت ممولاتی‌نین دئكوْروندا اساساً بیر نئچه كاراكتئر بزك اۆسلوبوندان ایستیفاده ائدیلیردی.

دئكوْراتیو واسطه‌‌ كیمی جێزما بزك اۆسلوبو خۆصوصیله گئنیش یاییلمیشدی و اساساً قابلارین بوْغاز و چیگین حیصه‌‌لرینده شاقولی، یا دا دالغاواری ناخیشلارلا جێزیلیردی. تك، پارالئل زوْلاقلار، یاخود دا داراق دیشلری‌نین ایزینی خاتیرلادان دالغاواری ناخیشلار خۆصوصیله سجیویدیر. نادیر قاب نۆمونه‌لرینده جێزما بزیی ریتمیك صۇرتده تكرارلانان باتیقلار، چوْخ دا درین اوْلمایان اوْیوقلار عوض ائدیر.

دوْققوز-اوْن عصر شیرسیز كئرامیكا ممولاتی‌نین دئكوْروندا ایشله‌دیلن كاراكتئریك بزك واسطه‌‌لریندن بیری ده یاپیشدیرما ناخیشلاردیر. نادیر قاب نۆمونه‌لرینده تصادوف ائدیلن بۇ بزك موْتیولری اساساً یاستی گیل دۆیمه‌لردن عبارت اوْلوب، قابلارین قۇلپلارینا،  بوْغاز و  چیگین حیصه‌‌سینه  بركیدیلیردی. بضا قابلارین   اۆستونه یاپیشدیریلمیش شاقولی لئنتلرده تكرارلانان چێخینتیلار دا وئریلیردی. ساده دئكوْر موْتیولریله یاناشی دئكوْراتیو جهتدن نیسبتن زنگین ایشلنمیش یاپیشدیرما رئلیئف تصویرلر بئیلقان قاضینتیلاریندان معلوم اوْلان دوْققوز-اوْن عصر نۆمونه‌لری‌نین دئكوْرو اۆچون چوْخ كاراكتئریكدیر. اساساً اوْنلارین چیگین حیصه‌‌سینه و یا ائنلی قۇلپلارینا یاپیشدیریلمیش بۇ تصویرلر بالیق‌قۇلاغینا بنزر دئكوْر موْتیولریندن،  قوْیون  بۇینوزو و سیممئتریك ایینتیلی ایلان تصویرلریندن عبارتدیر. منشأ‌یی اعتباریله چوْخ قدیم اوْلان بۇ موْتیولر، چوْخ گۆمان كی، اؤز آیین كاراكتئرلی خۆصوصیتلرینی بۇ دؤورده ده ساخلایا بیلمیشدیر. بۇنو دینی مراسیملرده ایشله‌دیلن اوْن ایكی-اوْن اۆچ عصرین زنگین دئكوْرلو ایریهجملی كۆپلری ده تسدیق ائدیر.

سككیز-اوْن عصر شیرسیز كئرامیكا ممولاتی‌نین خاریجی ستهی چوْخ واخت آغ آنقوْبلا اؤرتولوردو. كئیفیتلی گیل مهلولو اوْلان آنقوْب قابین دیوارلارینا هوْپوب اوْنون دنورلی  ستهینی هامار گؤستریر، گیلین تۆند رنگینی اؤرتوردو. آغ آنقوْب یئرلیكده جێزما  بزك موْتیولری كوْنتراست صۇرتده  جانلانیر، یاریشدیرما رئلیئف موْتیولر ایسه قاباریق صۇرتده اۆزه چێخیردی.

شیرسیز كئرامیكا ممولاتی‌نین بزه‌یینده، آغ آنقوْب قاتی‌نین تطبیق ائدیلمه‌سی‌نین میشت كئرامیكاسی‌نین بدیی جهتدن فوْرمالاشماسیندا خۆصوصی روْلو اوْلموشدور. آنقوْبون شیرله وحدتده تطبیقی ایسه میشت كئرامیكاسی‌نین هله ایلك اینكیشاف مرحله‌‌سینده بدیی جهتدن چوْخ گؤروملو، زنگین كوْلوْرلو میشت ممولاتی‌نین یارانماسینا سبب اوْلموشدور.

بؤلوم لر: آزربایجان ، دیل و تاریخی،