|
من توركم ، آذری یوخ Vətən Anadır ANA çağırır bizi
| ||
|
|
آراز سنی یاناسان یانیب یئره باتاسان آییردین بیر اؤلكه‌نی داهی سونا چاتاسان. آراز آلدین "سارا"نی منه ووردون یارانی گؤروم غرق ایده سنی یارالاریمین قانی. آراز آخما یان یانا منه باخما یان یانا بوغدون ائلین "صمد"ین قالدیم باخا یان یانا. باخدیم آراز آخیردی گؤوده اولدوز شاخیردی میثری قیلینج بئلینده "قره بالیق" باخیردی. "آراز اوسته بوز اوسته" دوشوب ایگید دیز اوسته "سارا" نامرد الینده یانیر كؤلوم كوز اوسته. آراز اوسته باشقا خان آت چاپدیران قاشقا خان "ایواز" گؤجؤن گؤررسن توش گلنده باشقا خان. 1392.6.26 بؤلوم لر: اۆز یازیلاریم ، آچیلدی
باغلاردا یاشیل یارپاقلار یازین
پیچیلدیسی گوی بولوتلارین گاه
بویانا قووب گاه یانا
سالدی. دولدولار
وریانلار دولو
گلدیلر بولوتلار
اورگین كیم بئله دلدی. بؤلوم لر: اۆز یازیلاریم ،
باخیشلارا باخان یوخ دردلر، سؤزلر، اوندادیر. هر سؤزی یازماق اولماز هر دردی آچماق اولماز عاریف اودور آنلاسین باخیشلاردان دردلری. بؤلوم لر: اۆز یازیلاریم ، چوخ تاسوفله, تانینمیش آذربایجان ادبیات خادیمی, آذربایجان یازیچیلار بیرلیگی‌نین فخری عضوی و ساهر ادبی- مدنی درنه‌یی‌نین آق‌ساققالی قوجامان شاعریمیز اوستاد “آقازاده علیایی” شهریور آیی‌نین بیرینده آرامیزدان كؤچدو. كرج شهرینده یاشایان و تهرانین مسیح دانشوری خسته‌خاناسیندا ابدیته قوووشان اوستاد علیایی شنبه گونو عائله‌سی, دوستلاری و تهراندا یاشایان بیر تعداد آذربایجان شاعر و یازیچیلاری‌نین مشایعتی ایله بهشت زهرا مزارلیغیندا تورپاغا تاپشیریلدی. اوستاد آقازاده علیایی ادبیاتیمیزا ائتدیگی خیدمتلرینه گؤره, ادبیات تاریخیمیزده قالارقی شخصیتلردن اولاجاقدیر. او ۱۳۰۶ینجی ایل باكی شهرینده مهاجر بیر عائله‌ده دونیایا گؤز آچیب, یئددی یاشینداایكن عائله‌سیله بیرلیكده كئچمیش سووئتلر آذربایجانیندان چیخاریلیب, آتا بابا اوجاغی اولان ساراب ماحالینین دوننی كندینده مسكونلاشیبدیر. سونرالار ساری, تهران و كرج شهرلرینده یاشاییب, اوزون ایللر فارس دیللی ادبی درنك‌لرده فعالیت گؤستریب, انقلابدان سونرا آذربایجان ادبیاتی‌لا ماراقلانیب و بو ادبیاتین انكشافیندا اونودولماز و چوخ دیرلی خیدمتلر ائدیبدیر. فارس دیلینده “ققنوس”، شگفتیها”، “بانگ پدر”، “ساقینامه” و “احساس من” و آذربایجان دیلینده “آذری نغمه‌لری” و “قانادسیز پروانه‌لر” آدلی شعر مجموعه‌لری یاییلیبدیر. او ادبیاتیمیزا ائتدیگی اونودولماز خیدمتلرینه گؤره آذربایجان یازیچیلار بیرلیگی‌نین فخری عضولیگینه سئچیلیب و شرفینه ادبی- مدنی درنك‌لر طرفیندن یوبلئی‌لر تشكیل ائدیلیبدیر.  بؤلوم لر: بو بیر آدی؟؟؟، تبریز ایداره لرین بیرینه گئتمیشدیم ایشیم وارییدی. اوردا ایشله
ریمی گوره ركن گئنه بیر 60 یاشلی كیشینین یاینیمدا دورموش و جیب تئلفونویلا دانیشیردی. اوغلوم اوختا ی ! سنین
كیملیك كارتینی سونرادا ده ییشه بیله رلر ایداره دن دئدیلر."
كیشی دئدی. اوختای آدی منی ماراقلاندیردی. كیشیه ساری دوندوم , واراقلاری میز اوزه رینده یدی. من اوغلانین آدین
و سوی آدین گوردوم داها شاشقین دوروما قالدیم.
آدی و سوی آدی نه ایمیش ؟!. "اوختای نابدل" بیر آن رحمتلیك علیرضا(اوختای) نابدل و اونون قهرمانجاسینا
یاشاییشی بئینیمده ن كئچدی. "سیزین
اوغلونوزدو مو ؟"سوروشدوم. "هن"
كیشی دئدی. "بویوك
بیر اینسانین آدین اوغلونوزا قویوبسونوز
."دئدیم او بویوك اینسان منیم
دوغما قارداشمییدی. دای من دوزگون قیفیللادیم. توك له ریم بیز بیز دوردو. هئچ سوز دئمه ده ن بو كیش نی سئیر ائتدیم. و تئز منده ن گولومسو یه رك اوزاقلاشدی. من گیجه لمیشدیم دوغروسو. چیخدیم اولدوغوم قاتدان ان آشاغی قاتا یئنه م . لیفت(آسانسور) اونونده بیر داها گوردوم نابدل ین قارداشین. 5
قاتلی ایداره نی بیرلیكده و آیری اوچ آدامیلا بیرلیكده آشاغی یئندیم. سنین تك اینسانلاریلا تانیش اولماغی اوزومه بویوك فخر سانیرام. " دئدیم. گولومسه یه ره ك جاوابیمی گئنه وئرمه دی. یئندیك آشاغی قاتا نابدل ین قارداشی یولون توتدو گئتدی. ماراقلی سی بورایدی. گوردوم بولمه دن(غیری ایرادی) نابدل ین قارداشی نین آردیجا منده گئدیره م. منیم ماشینیم بویاندایدی
, اونو ن ماشینی قارشی طرف ده . قاییتدیم ماشینیمین ایچینده اوتوردوم. و فیكره جومدوم. اوختای نابدل یاشاییر ,
میللی قهرمانیمیز یاشاییر. بیریسی آدییلا یاشاییر , بیریسی دوشونجه سیله , بیریسی قورد اوره ك و جسارتلی اولدوغو بیر موباریز
و ساواشچی كیمین تمثیل ائدیر و یاشاییر. میللی قهرمانلاریمیز
فیكیر ساحه سینده , ساواشچیلیق ساحه
سینده , سیاستچی لیك و اینجه صنعت خادیملری و ساییره ساحه لرده بیزیم كونول لریمیزده ابدی یاشایاجاقلار. و منده بونلارین هامیسیلا
یاشاییرام . آدی , دوشونجه سی
, قورد اوره كلی ساواشچی اولدوغونا گوره ,
و یولداشلاری بهروز دهقانی , صمد بهرنگی ,
كاظیم سعادتی و باشقا یولداشلاریلا یاشاییرام. بو دا بو گونو موزده ن . قایناق:
http://govarcin.blogfa.com بؤلوم لر: بو بیر آدی؟؟؟، توپلایان: احد فرهمندی چوْووش شعرلرینین قایناق
شخصلری: مهدی سلیم‌خانی40 یاشلی، لیوارجان كندیندن و اسماعیل زنده‌تبار 68 یاشلی، مكتبخانادا
اوخوموش. قارا چیمنه تابع اولان چینی بولاق
كندینده دوغولموش. بونلار ایكیسی‌ده چوْووشدورلار. كئچمیش زامانلاردا تبریزده، مشهد، كربلا و مكه زیارتینه گئتمك
مخصوص بیر مراسیم ایله باش توتاردی. زیارت اوچون یولا دوشمه‌میشدن نئچه آی قاباق، زیارت
فیكرینده اولانلار كاروانین آغ ساققالینا اؤز
قصدلرینی چاتدیراردیلار. حركت واختینا ایكی، اوچ گون قالاندا محلله‌نین چوْووشو[1]،
بیر آتا مینیب الینده توتدوغو یاشیل بایراغی یئللندیریب خوش آواز ایله زیارت كروانینین نئچه گون سورا یولا دوشمه‌گینی اوجا سسله
خبر وئرییب آد یازدیرانلاری حاضیرلیق اوچون باشا سالاردی. او بئله دئیردی: «
آی موسلمانلار! آی علی شیعه‌لری، ایكی گون سورا ( مثلا آغامیز
امام رضانین زیارتینه یوخسا كربلا یا مكه زیارتینه) یولا دوشوروك. زیارت قصدی اولانلارین،
قوهوم طایفالاری بیلسین، گؤرمه‌لی ایشلرینی گؤرسونلر. ایندیدن هامیدان حالاللیق آلسینلار،
انشاللاه زیارتیز آللاه درگاهیندا قبول اولسون. غریبلر شاهی امام رضا حاجتلریزی یئرینه
یئتیرسین...». بؤلوم لر: یولداشلار، گمیمی
سالاندا بیر اووج سووا آخیردین
گئدیردین بولاق سووی سن ساحیلده قالیردیق گمیم من
تییان. فیرلانا
فیرلانا آخیب گئدنده نه
اولاردی بیر دونوب گری باخایدین گؤزلریم
دالینجا حسرتده قالدی
آخایدیم دالینجا اولارمی منده؟ بؤلوم لر: اۆز یازیلاریم ، |
بلاقا گؤره چیراق یاندیر،اوجاق قور كور یوخودان بیرجه دور قوی امه یین داغیتسین یوردوموزا قیزیل نور . حبیب ساهر
Dağlıq Qarabağ (1988-1993) Xankəndi (18.09.1988) Əskəran (19.10.1991) Hadrut (19.11.1991) Xocalı (26.02.1992) Şuşa (08.05.1992) Laçın (17.05.1992) Xocavənd (02.10.1992) Kəlbəcər (3-4.04.1993) Ağdərə (07.07.1993) Ağdam (23.07.1993) Cəbrayıl (23.08.1993) Füzuli (23.08.1993) Qubadlı (31.08.1993) Zəngilan (30.10.1993) *** Azərbaycan ***
|
| [ طراحی : ایران اسکین ] [ Weblog Themes By : iran skin ] | ||
