قالب وبلاگ

– یوْلداش، سنی كیم آپاردێ؟         خاطیره‌لر بۇرغۇ-بۇرغۇ،

خاطیره‌لر شله-شله!                     یادا دۆشدۆ كلك، قۇرغۇ،

یادا دۆشدۆ تله، جله.                    یادا دۆشدۆ دوْست گۆلله‌سی،

یادا دۆشدۆ دوْست قاپازێ.            اۆرگیمده گیزیلده‌دی

اۆرگیمین تمنناسێ.                   پێچێلدادێم اؤز كؤنلۆمه:

نَیه لازێم بۇ سرت آجێق؟            سێیرێلێب كین بۇلۇدۇندان

آیازا چێخ         آچێق-ساچێق!

پێچێلدادێم اؤز كؤنلۆمه:           كئچمیشیندن آزجا كۆیۆك!

هر زامانێن گۆناهێ چوْخ،   هر دؤورانێن دردی بؤیۆك.

سئوینجیمه اوْد الندی،      سئوگیمله ده وۇرۇشدۇلار!

آرزۇم اۇنۇ كۆنده‌لندی –      قیسمتیمه داراشدێلار!

گۆمانێمێ گۆللله‌ین،         یوْللارێما داش هئلله‌ین،

گؤزلریمه گؤز زیلله‌ین         اوْ یاغێلار، اوْ سۇچلۇلار

اؤزۆمدن ده سوْرۇشدۇلار:   – یوْلداش، سنی كیم آپاردێ؟

آه، اوْ شؤهرت شهیدلری    شر شۇمۇنۇ شێرێملادێ.

یوْلۇمۇزۇ حراملادێ،           صبریمیزی تارێملادێ.

الله كسسین بۇ دوْستلۇغۇ،      بۇ بیرلیگی، یوْلداشلێغێ!

الله كسسین – بۇ قاخێنجلێ    قانداشلێغێ،

قارداشلێغێ!    الله كسسین بۇ سئوگینی،

چوْخ دا كوْمۇق، چوْخ دا بیریك.   ائله فۆرصت دۆشن كیمی

یۇمرۇقلارێ ائندیریریك.   سن وۇرۇلان – منسه وۇران،

من آلدانان – سن اۇچۇران.   اؤزۆمۆزۆك تله قۇرآن،

اؤزۆمۆزۆك اۆزه دۇران!   چوْخ آپارێب اؤزگه بیزی،

دوْستۇن قصدی نه دیر، قاغا؟

بۇ آیێبلێ دردیمیزی    دیلیم گلمیر دانێشماغا.

دیلیم گلمیر سوْرۇشۇم بیر:

– یوْلداش، سنی كیم آپاردێ؟

ائی، آ یوْلداش! صاف اۆرگین

دیلیملنمیش آلمادێمێ؟

سنی، منی آپارانلار   بیزی بیزدن آلمادێمێ؟

اۆرگیمده چوْخ سؤز واردێ،    بۇ دا بختین آخێر گؤركۆ.

ائه، نه ایسه قالسێن آردێ    چكیلینجه اوْدلۇ بۆركۆ.

اۇچۇنۇرام اۇچۇن-اۇچۇن،     ائی، آ یوْلداش، قصدین نه دیر؟

بیز اۇداندا وطن اۇدۇر،           بیز اۇچاندا وطن اۇچۇر،

بیز گئدنده وطن گئدیر!..

1980 Ağa LAÇINLI